У 2022 годзе наша краіна адзначае 140-годдзе з дня нараджэння класікаў беларускай літаратуры, народных паэтаў Беларусі Янкі Купалы і Якуба Коласа.
Беларускія пясняры стаяць ў шэрагу тых вялікіх мастакоў свету, якім дадзена глыбока спазнаць сутнасць свайго народа, яго гісторыі і выказаць гэта ў яскравай, толькі ім уласцівай форме.
19 чэрвеня ў Хадасоўскай сельскай бібліятэцы адбыліся літаратурныя чытанні “Святло паэзіі беларускіх песняроў”. Для прысутных прайшоў агляд па кніжнай выставе “Нам засталася спадчына”. Бібліятэкар прыгадала цікавыя звесткі з жыццёвага і тварчага шляху знакамітых пісьменнікаў, прысутныя зачытвалі свае любімыя вершы Янкі Купалы і Якуба Коласа.