З 22 па 27  лістапада ў Камянецкай ЦБ ім. У. М. Ігнатоўскага праходзіў Тыдзень краязнаўчых ведаў «Мой край у сэрцы маім». На працягу ўсяго тыдня дзейнічалі шматлікія выставы, накіраваныя на прапаганду краязнаўчых ведаў сярод карыстальнікаў бібліятэкі: выстава-агляд “Тут Радзімы маёй пачатак” (па творчасці У. Гніламёдава), выстава-архіў “Запіскі краязнаўца” (з архіва Г.С. Мусевіча), выстава-знаёмства “Літаратурная спадчына Камянеччыны”.
   Для старшакласнікаў была праведзена сустрэча “Пачуццяў шчырыя радкі” з супрацоўніцай раённай газеты «Навiны Камянеччыны», выдатнай пісьменніцай, членам Саюза пісьменнікаў Беларусі Настассяй Нарэйка.
   Напрыканцы тыдня  для вучняў прайшла віртуальная экскурсія па г. Камянец “Плошча рынак” і акцыя “Роднай зямлі шматгалосся”.
   З кожным годам бібліятэкары знаходзяць новыя тэмы і формы работы па краязнаўстве. Знаёмяць юнае пакаленне з гісторыяй і выдатнымі асобамі роднага краю.