Напярэдадні галоўнага свята краіны - Дня Незалежнасці, ля сцен Камянецкай цэнтральнай раённай бібліятэкі дзейнічала тэматычная экспазіцыя «Беларусь – зямля мая незалежная».
Цэнтральны элемент аднайменнай выставы-сімвала, акцэнтаваў увагу жыхароў і гасцей горада на галоўных атрыбутах беларускага суверэнітэту.
Завочнае знаёмства "Вобразы мілыя роднай зямлі" прапанавала павандраваць па сталіцы, абласных цэнтрах і гарадах Беларусі, пазнаёміцца з іх мінулым і сучаснасцю.
Матэрыялы салона беларускага арнаменту «Скарб беларускай душы» пазнаёмілі з традыцыйным беларускім касцюмам, раскрылі сакрэты беларускага арнаменту, прадэманстравалі пераемнасць традыцый этнічных узораў на прыкладзе лялек-абярэгаў, распавялі пра іх сэнсавае прызначэнне.
Выстава-напамін «У сэрцах і кнігах памяць пра вайну" прапаноўвала пазнаёміцца з літаратурай дакументальнага характару, усвядоміць цану Перамогі скрозь прызму лічбаў і фактаў.