16 мая споўніцца 110 гадоў з дня нараджэння вядомага дзіцячага пісьменніка – Васіля Віткі. З гэтай нагоды ў Камянецкай дзiцячай бiблiятэцы праведзены лiтаратурны калейдаскоп «Па сцяжынках твораў Васіля Віткі».
   Бібліятэкар пазнаёміла дзяцей з кнiжнай выставай «Жыў на свеце дзед Васiль», расказала пра жыццёвы і творчы шлях пісьменніка. Удзельнікі мерапрыемства з задавальненнем гулялі ў гульні: «Загадкі дзеда Васіля», «Станцыя Лясная», «Дзіравы капялюш», адказалі на пытанні віктарыны «Па казках В.Віткі», праслухалі казку «Вавёрчына гора».