Уладычанскі Антон Станіслававіч (08. 07. 1909, г. Краснаярск (РФ) – 1986), генерал-маёр (1944). Беларус. Скончыў Ленінградскае пяхотнае вучылішча (1932), Акадэмію Генштаба (1947). Вялікую Айчынную вайну сустрэў на пасадзе выкладчыка Ульянаўскага танкавага вучылішча. Ваяваў на Заходнім і 1-м Беларускім франтах: начальнік штаба 51-й асобнай стралковай брыгады, начальнік штаба 119-й стралковай дывізіі, камандзір 50-й гвардзейскай стралковай дывізіі. Удзельнік вызвалення беларускіх гарадоў Каменец, Пружаны, Слуцк. З 1960 у запасе. Узнагароды: 5 ордэнаў. Ганаровы грамадзянін г. Каменца.

   Літаратура:
1. Почётные граждане белорусских городов : биогр. справочник / Б. Долготович. Мн., 2008. С. 29.
2. Военачальники земли белорусской : энцикл. справ. / Б. Долготович. Мн., 2005. С. 137.
3. Яфімовіч, У. Генерал-вызваліцель // Памяць : Камянецкі раён. Мн.. 1997. С. 260.
4. Яфімовіч, У. У гонар генерала-вызваліцеля / У. Яфімовіч // Навіны Камянеччыны. 1995. 22 ліпеня. С. 1.