Страпко Міхаіл Мікалаевіч (11.02.1955, в. Дуброўка Драгічынскага раёна Брэсцкай вобласці), вучоны аграном. Скончыў БСГА (1981), Брэсцкі дзяржаўны тэхнічны ўніверсітэт (2002). Аграном (1981-84); намеснік старшыні к-са “Савецкая Беларусія” Камянецкага раёна (1985-98); старшыня к-са “Кастрычнік” Камянецкага раёна (1998-2003); дырэктар ААТ “Відамлянскае” з 2003. Член федэрацыі прафсаюзаў Беларусі, старшыня Брэсцкага абласнога аграпрамысловага саюза, дэпутат Брэсцкага абласнога Савета дэпутатаў, дэпутат Камянецкага раённага Савета дэпутатаў. Узнагароды: ордэн Беларускай Праваслаўнай царквы Кірыла Тураўскага II ступені, медаль “За працоўныя заслугі”, медаль “100 гадоў прафсаюзнаму руху Беларусі. У 2015 годзе ў адпаведнасці з Указам Прэзідэнта Рэспублікі Беларусь прысвоена званне “Заслужаны работнік сельскай гаспадаркі Рэспублікі Беларусь”. 27 снежня 2019 года за значны ўклад у сацыяльна-эканамічнае развіццё Камянецкага раёна і актыўную грамадскую дзейнасць Страпко Міхаілу Мікалаевічу прысвоена званне «Ганаровы грамадзянін Камянецкага раёна».