Нічыпарук Любоў Лук’янаўна (12.04.1923, в. Баяры Брэсцкага раёна – 03.11.2012), даярка. Скончыла 4 класы польскай школы (1936). З 1949 працавала ў паляводчай брыгадзе, затым кладаўшчыцай у к-се “Савецкая Беларусь” Камянецкага раёна. З 1955 працавала звеннявой па вырошчванню ільна і кукурузы. У 1957-1978 даярка, дабілася высокіх надояў малака. За дасягнутыя поспехі ў павелічэнні вытворчасці мяса, малака і іншай сельгаспрадукцыі Указам Прэзідыума Вярхоўнага Савета СССР удастоена звання Героя Сацыялістычнай Працы (1966). Дэпутат Вярхоўнага Савета СССР (1962-1966).