Плерш Ян Богуміл (Jan Bogumil Plersch) (1732, Варшава - 1817), польскі жывапісец нямецкага паходжання. Нарадзіўся ў сям’і скульптара Яна Іагана Плерша. Вучыўся жывапісу ў Варшаве ў Чаховіча. У 1750 працаваў у майстэрні дэкаратара Гетца ў Аугзбурзе, у 1763 працаваў над фрэскамі Каралеўскага замка ў Польшчы. Прыдворны мастак караля Станіслава Аўгуста Панятоўскага. Размаляваў касцёл Святой Тройцы ў Воўчыне і іншыя палацы Польшчы. Адна з самых вядомых работ “Паланенне генерала Касцюшкі ў бітве пры Мацяёвіцах” з’яўляецца набыткам Нацыянальнага музея ў Познані.