Год народнага адзінства распачаўся святкаваннем юбілейных дат — 100-годдзя з часу нараджэння народных пісьменнікаў Беларусі Івана Шамякіна і Івана Мележа.
Да юбілейных дат славутых творцаў ў Пелішчанскай сельскай бібліятэцы арганізаваны кніжныя выставы “Майстар нацыянальнай прозы” (Шамякін І.П.) і “Па-сапраўднаму народны” (Мележ І.П.) .
Матэрыялы выставы знаёмяць з жыццём і творчасцю выдатных беларускіх пісьменнікаў, чыя творчая і грамадская дзейнасць— прыклад самаадданага служэння роднай літаратуры, беларускай культуры і свайму народу.
Супрацоўнікамі бібліятэкі падрыхтавана электронная прэзентацыя “Творцы праўдзівага жыцця”, з праглядам якой бібліятэкары наведалі вучняў 8 і 9 классаў мясцовай школы.
Мастацкая творчасць, грамадская і педагагічная дзейнасць гэтых пісьменнікаў і сёння з’яўляюцца светапоглядным арыенцірам, узорам для сучаснай моладзі і грамадства.