Пастаяннадзеючая кніжная выстава “Літаратурны юбілей”, арганізаваная на абанеменце Камянецкай цэнтральнай раённай бібліятэцы, знаёміць з літаратурнымі юбілеямі, што адзначаюцца ў бягучым годзе.
Студзень багаты на юбілеі беларускіх пісьменніуаў і паэтаў.
14 студзеня спаўняецца 130 гадоў з дня нараджэня Канстанцыі Буйло, якая пакінула адметны след у беларускай літаратуры сваім паэтычным талентам, якім яна апавядала пра сябе, сваю бязмежную любоў і адданасць Беларусі. Многія яе творы пакладзены на музыку, а небылую папулярнасць набыла песня «Люблю», якая стала народнай.
У гэтыж дзень 75 гадоў з дня нараджэння адзначае Навум Якаўлевіч Гальпяровіч - паэт , публіцыст, грамадскі дзеяч. Творчасць аўтара адметна любоў да роднай зямлі, верай ў перамогу дабра, пяшчотай і каханнем. На вершы паэта напісаны песні беларускімі кампазітарамі. Зараз – намеснік дырэктара – загадчык аддзела музычных і літаратурна-мастацкіх праграм дырэкцыі канала «Культура» Беларускага радыё Нацыянальнай дзяржаўнай тэлерадыёкампаніі. Вядзе аўтарскую праграму «Суразмоўцы» на тэлеканале «Беларусь 3», дзе гутарыць з дзеячамі беларускай навукі і мастацтва.
16 студзеня – 80 гадоў з дня нараджэння Міколы Чарняўскага - пісьменніка, выдатніка народнай асветы і друку Беларусі, лаўрэата літаратурных прэмій. Слынны паэт навучыўся пранікаць у самабытны, яркі і кантрасны свет дзіцячых захапленняў, стаў для іх настаўнікам і сябрам. У паэтычнай скарбонцы паэта ёсць кніжкі і для дарослых, сярод якіх ёсць лірыка, гумар і сатыра.
Матэрыялы выставы прапануюць пазнаёміцца з жыццевым і творчым шляхам беларускіх юбіляраў і далучыцца да іх творчасці.