Багата на таленты Камянецкая зямля. Тут нарадзіліся вядомыя, палітычныя, грамадскія, рэлігійныя дзеячы, вучоныя, мастакі, пісьменнікі.
   22 снежня ў Камянецкай цэнтральнай бібліятэцы для вучняў 9 ”А” класа СШ №1 прайшоў вечар-апавяданне “Пад сузор`ем слова…”, прымеркаваны да 85-годдзя з дня нараджэння выдатнага земляка Уладзіміра Васільевіча Гніламёдава.
   У ходзе мерапрыемства вядучыя распавялі аб жыцці і творчасці Уладзіміра Гніламёдава – крытыка, літаратуразнаўца, доктара філалагічных навук, прафесара, акадэміка Нацыянальнай акадэміі навук Беларусі пісьменніка-раманіста.     
   Для  больш цеснага знаёмства з асобай і талентам знакамітага земляка  прысутным была прапанавана прэзентацыя “На шляху да сябе” і знаёмства з выставай “Акадэмік з Камянеччыны”.