20 кастрычніка ў Камянецкай цэнтральнай раённай бібліятэцы ім. У.М. Ігнатоўскага прайшоў аўкцыён ведаў "Душа народа ў творах іх жыве", прысвечаны 140-годдзю з дня нараджэння Якуба Коласа і Янкі Купалы. На мерапрыемства былі запрошаны навучэнцы 9 класа СШ № 1.
   Янка Купала і Якуб Колас - пісьменнікі, якіх ведае кожны. Іх творы ўваходзяць у школьную праграму. Іх літаратурны здабытак - наш нацыянальны гонар. Школьнікі пазнаёміліся з біяграфіяй і творчасцю пісьменнікаў, іх жыццёвымі шляхамі, даведаліся, што аб'ядноўвала гэтых вялікіх людзей, якія мэты яны ставілі ў сваіх творах, як раскрылі наш характар, менталітэт, нацыянальную самасвядомасць, духоўныя каштоўнасці і пачуцці беларусаў.
   Для прагляду школьнікам быў прадстаўлены відэа-фільм "Два яблыкі на адной галінцы". Дзеці з вялікім задавальненнем дзяліліся сваімі ўражаннямі ад прагляду фільма, расказалі пра тое, што новага даведаліся пра класікаў беларускай літаратуры.
   Прысутным было прапанавана пазнаёміцца з кніжнай выставай: “Янка Купала і Якуб Колас – наш ганар і наша спадчына”.