Напярэдадні Дня народнага адзінства ў холе Камянецкага РДК экспанавалася кніжная выстава "Мая Беларусь!", арганізаваная супрацоўнікамі Камянецкай ЦРБ ім. У. М. Ігнатоўскага.
Раздзелы выставы: «Векапомны верасень", "Беларусь – мая будучыня", " Непаўторны Берасцейскі край» і «Камянеччына - часцінка вялікай Радзімы», адлюстроўвалі гістарычны лёс беларускага народа, яго нялёгкі шлях да яднання, знаёмілі з грамадска-палітычным і сацыяльна-эканамічным развіццём краіны, яе нацыянальна-культурнымі здабыткамі і людзьмі, якія праславілі Беларусь.
Выстава выклікала цікавасць у кожнага, хто хоча ведаць сваю гісторыю і дзень сённяшні малой радзімы і ўсёй Беларусі.