З нагоды 140-гадовага юбілею з дня нараджэння Янкі Купалы і Якуба Коласа ў Камянецкай дзiцячай бiблiятэцы адбылося свята кнiгi «Узнёсла гучалi Купалы i Коласа словы» для дзяцей кругласутачнага аздараўленчага лагера «Белая вежа» СШ №1. Эмацыйна, натхнёна юныя госцi чыталі творы народных паэтаў Янкі Купалы і Якуба Коласа. З лёгкім гумарам былі прачытаныя вершы паэтаў пра дзяцей-гарэз і забіяк. Была праведзена вiктарына «Што мы ведаем пра Янку Купалу i Я. Коласа?»
   Прайсці па шляху Я. Коласа і завітаць у госці да Я. Купалы запрашала выстава-падарожжа «Таленавітыя і натхнёныя», на якой прадстаўлены кнігі пра жыццёвы і творчы шлях класікаў беларускай літаратуры, іх творы, літаратуразнаўчыя артыкулы.